قال رسول الله "اللهم بارك لأمتى فى بكورها" ، انا فعلاً مؤمنة بالحديث ده قوى لكن من وقت ماتجوزت وانا كل فترة امر بمشكلة عصيبة مع النوم ويحصلى لخبطة فى مواعيد النوم والصحيان ، لكن للأسف عمرى مابرتاح لو صحيت بعد الظهر ابداً وده بينعكس على جسمى وعدد ساعات نومى وحالتى النفسية بشكل بشع وممكن توصل معايا لإكتئاب ، قمة راحتى ان اصحى واشوف نور ربنا وهو لسه بينور الكون وبكون أكثر إنتاجية طول اليوم وحالتى النفسية معتدلة وبكون طبيعية !
نفسى فعلاً أقدر أسيطر على مواعيد نومى وصحيانى لأن كل مرة اظبطها أقول دى آخر مرة وللأسف بيتكرر الموضوع ، مش عارفة الحل ايه بس عندى أمل إن قدرتى على المواظبة ممكن تزيد مع الأيام ، ماهو مش كل فترة نفسيتى تتعب بسبب القلبان ده مبحسش إنى عايشة بمعنى الكلمة :(
الله المستعان وتكون دى تظبيطة دائمة ...يارب
وَجَعَلْنَا اللَّيْلَ لِبَاساً * وَجَعَلْنَا النَّهَارَ مَعَاشاً
Tidak ada komentar:
Posting Komentar