محاولة لفهم القرآن

ليه ديمًا بنعتبر رمضان شهر قراءة للقراءن فقط ومبنسعاش اننا نقرا تفسيره زى ما بنقرأه سريعًا ونهتم قوى اننا نختمه مرة واتنين



مالفائدة إذا قرائته بعينك فقط ولم يعه عقلك؟

اعتقد ان كلمة اقرأ تشتمل الجزأين القراءة بالعين او اللسان والعقل

نعم القراءة وحتى ان لم نفهمه يثاب عليها ولكن اكيد اكيد القراءة للتعبد والتفكر لفهم كلام الله وتطبيقه على حياتنا

ثوابه اكبر وأعظم



فهناك الكثير من السور نقراها بشكل يومى ولا نعرف لماذا اُنزلت ؟ ومامعناها كاملةً كما انك لا تستطيع استخراج العبر والدروس من الآيات إلا بمعرفة تفسيرها لأن ليست كل معانى القرآن يمكن استنباطاها بشكل مجرد ، فمعظم الآيات ليست بالمعنى الذى يتوارد إلى ذهنك من قرائتها مجردة .



فلنجعل الأيام المتبقية من رمضان محاولة لفهم معانى القرآن ، فلنبدأ بقصار السور أو بشكل عشوائى نبحث عن آيات جذبتنا ولم نفهمها بشكل كامل، او نختار سورة محببة ونحاول فهم معانيها



تفسير مختصر ابن كثير من أبسط التفاسير ، وأيضًا تفسير الجلالين .

الحمل من الشهر الأول للثالث

انا حبيت اسجل تجربة حملى فى أول 3 شهور يمكن حد يستفاد منها ، طبعًا أعراض الحمل مش ثابتة لكل البنات ولا لكل الحمل يعنى ممكن اعراض تحصل فى أول حمل متحصلش فى تانى حمل وممكن أعراض تحصلى متحصلش لغيرى وهكذا ، لكن فى كل الأحول الحمل جهاد فى سبيل الله :) ونحتسب كل الى بيحصلنا فيه لعل الله يجعل فى ميزان حسناتنا

الشهور الثلاث الأولى بها أكبر الفرص لحدوث الإجهاض فعشان كده لازم نكون حريصين فى كل شىء بنعمله فى الفترة دى يعنى المشى مثلًا يكون بهدوء ، شغل البيت يكون بهدوء وبشكل متقطع ، حركة الجسم كلها تكون براحة

نبتدى بأعراض الشهر الأول:

تغييرات فى الضغط : انا مكنتش اعرف إنى حامل طول الشهر الأول بس كان ضغطى بيعلى كتير مع المجهود البسيط والخروج والسفر وبعد كده الدكتور قالى انه ده بيحصل أول الحمل بسبب التغييرات والحل للمشكلة دى انك لازم تقيسى الضغط لانك ممكن تتخيلى انه عالى ويكون واطى او العكس فلو شربت كركاديه مثلا ع أساس انه عالى هيوطى الضغط زيادة .

النوم المفرط : انا تقريبًا كنت بنام 12 ساعة مقفلة وكنت بستغرب جدًا برغم انى مبذلش مجهود لكن ده طلع طبيعى جدًا لأن تغيير الهرمونات بيرهق الجسد وبيحتاج انه يرتاح

آلام فى أسفل الضهر :وده الى خلانى أجرى اختبار الحمل اصلًا لأنى كنت عايزة اخد مسكن فلازم اتأكد انى مش حامل الاول خصوصًا ان الألم استمر معايا اكثر من يوم وده بسبب ان الرحم اربطته بتكون فى الضهر فعند حدوث الحمل بيزيد الضغط فى الرحم وبالتالى يضغط على الأربطة وحل الألم انك تنامى على ضهرك لحد مالوجع يقل وده بيزود فرص ثبات الجنين وإن كنت مش متحملة الألم تسألى الدكتور عن مسكن بالنسبالى الدكتور كتبلى بروفين "لبوس" فى الحمل يفضل اللبوس عن البرشام قدر الإمكان عشان ميتعبش المعدة

.

إدرار البول : بسبب ان حجم الرحم بيكبر فبيفضل يضغط على المثانة وبالتالى بتحتاجى تدخلى الحمام كتير .

سقوط الشعر : شعرى بيقع من أول شهر لحد الآن بسبب نقص الفيتامينات عندى وليه علاج بس مع منتصف الشهر الرابع وفى وصفة بلدى لكن مجربتهاش لسه وهيا دعك الشهر بزيت الزيتون

أعراض الشهر الثانى :

بالنسبالى ده اصعبهم لان المشاكل فيه بتكون أكثر

1- التقلصات والغازات : لأن الحمل بيسبب تغييرات فى الهرمونات فى هرمون منهم بيريح عضلات المعدة تمامًا وبالتالى بتقل عملية الهضم وده بسبب حدوث غازات وتقلصات بالذات لو مظبتيش طريقة الأكل وهى انك تاكلى مثلًا ست وجبات صغيرة بدل 3 وجبات كبيرة لانه بيمثل ضغط ع المعدة فى وجود عسر الهضم مجرد انك تقللى كمية الوجبات هتقل التقلصات تمامًا وكمان الدكتور كان كتبلى برشام فحم "أوكاربون " عشان يمنع التقلصات وده مصنوع من مواد طبيعية فمناسب للحمل

الغثياااااااااااااان : او مايسمى بغممان النفس وده أرخم عرض ممكن تمرى بيه ليه حلول بس أوقات كنت بحس انها فقدت التأثير منها انك تاكلى اول ماتصحى ثمرة فاكهة أو بقسماط او اى نوع كراكرز قبل ماتقومى مالسرير بربع ساعة مثلًا ، وفى كمان انك تاكلى جبنه قديمة او رومى قطعة منها هتهديكى كتير وفى مشروبات زى الزنجبيل بتهدى العملية دى بس فى آواخر الشهر مكنش حاجة بتأثر معايا غير انى افرد جسمى على السرير وده بينتج عنه فقدان للشهية

القىء : ابتدأ معايا بردو فى أول الشهر الثانى أول ماصحى م النوم بشكل يومى بعد كده الدكتور كتبلى على نوعين من اللبوس للغممان والقىء وفعلًا القىء وقف شوية والغممان قل شوية لكن كام يوم ورجعو تانى برغم ان كنت باخد اللبوس بشكل يومى والى عرفته بعد كده م الدكتور ان القىء والغممان اعراض حمل لا يمكن منعها ولكن تقلليها فقط فى ناس ممكن القىء يوصل عندها اكثر من 3 مرات فاللبوس بيحاول يمنع ده ويقلله لمرة او اتنين او تلاتة حتى فبعد ايام وقفت اللبوس لأن حسيت ان ملوش لزوم خصوصا ان كان القىء بيوصل معايا ل3 مرات وطبعًا اللبوس كان بيمسك المعدة جامد مع عملية القىء فكانت عملية مؤلمة لكن ميزة القىء انه بينزل عصارة صفرة كده بتقلل الغممان وكمان القىء بيطمنك على صحة الجنين لأن القىء ناتج من هرمونات التثبيت الى بتحصل فى أول 3 شهور فبيكون مؤشر ان الحمل مستقر الحمدلله

كمان ممكن تحسى انك بتقرفى من روايح معينة او اكل معين ابعديه عنك عشان ممكن يسببلك قىء بالنسبالى حصل مع البيض المسلوق فبقيت اكله مقلى ، وفى الآخر مع الفراخ فبقيت احاول اكلها باى طريقة تريحنى

الشهر الثالث :

اختفى الغثيان تمامًا ، استمرار الرغبة فى النوم ، تغير الحالة المزاجية والقىء مستمر مع فقدان للشهية فظيع وده انتج عنه خصوصًا مع الصيام انى وصلت لمرحلة مش قادرة اقوم من على السرير ولا اعمل اى شىء وطبعًا ده كان كارثة لأنه تعبنى جدًا لدرجة انى كنت بصحى م النوم بوجع فى بطنى م الجوع فطبعًا اضطريت أوقف الصيام وبقيت احاول أكل فاكهة واشرب عصاير قدر الإمكان لحد ماالروح رجعتلى تانى واختفت علامات البهتان من وجهى بشكل تدريجى ومع نهاية الشهر الثالث بترجع نفسك للأكل من تانى وبتقل أعراض كتيربرغم انى بدأت الرابع إلا إن القىء مستمر لكن ع كلام الدكتور كلها أيام ويقف وفعلًا ده من أصعب الى بيحصل للحامل لأنى بحس وقتها انى بطلع فى الروح خصوصًا لو أكثر من مرة

عودة للنجاح

امبارح عرفت إنى نجحت الحمدلله فى أول سنة دراسة بمعهد الدراسات الإسلامية

طبعًا الإمتحانات دى كانت تحدى كبير جدًا ليا لكذا سبب أولهم إن دى أول دراسة فى حياتى باللغة الإنجليزية ، وأنا أصلًا مش قوية في اللغة فكنت طول السنة بحاول اصلح اللغة بجانب تعلم المحتوى نفسه واتمنى ان السنة الجاية أحسن اللغة اكتر واكتر إن شاء الله



زطبعًا لذة النجاح فى دراسة انت رايحها بمزاجك غير دراسة أجبرت عليها :~

تانى تحدى ان شهر ماقبل الإمتحانات كان عدم استقرار فى حياتى ونقلنا حياتنا للمنصورة وكنت الشهر ده فى بيت أهلى لحد مانلاقى شقة فى المنصورة وكنت بركز بصعوبة فى المذاكرة خصوصًا من أمى مكنتش معترفة بالدراسة تقريبا هههه وكل شوية عيزانى اساعدها فى المطبخ فكانت تشتيت زى الفل

اما شهر الإمتحانات نفسه فطبعًا لان الدراسة فى القاهرة قضيت الوقت ده فى بيت أهل زوجى وهو عشان شغله كان قاعد عند أهلى فكنا مشتتين زى الفل انا فى القاهرة وهو فى المنصورة

:D



التحدى التالت بقا ان أيام الإمتحانات اكتشفت إنى حامل وطبعًا مذاكرة وتركيز مع الرغبة فى النوم ووجود تعب الشهور الأولى والمواصلات كان حاجة زى الفل الحمدلله

:D :D



بس سبحان الله الأيام دى عدت وعشان كده مبسوطة جدًا بالنجاح ، اما للدراسة نفسها برغم اننا مدرسناش كم كبير بسبب ظروف الثورة والمعهد كان بادىء متأخر اصلا بس الى أخدته أفادنى جدًا جدًا وفعلًا وسع مداركى الفكرية وغير كتير من نظرتى واستفدت بشكل فكرى وعلمى الحمدلله ومقدرش انكر جهود الدكاترة وإتقانهم على قد مايقدرو ورغبتهم انهم يساعدونا بأى شكل ربنا يجعله فى ميزان حسناتهم



كل مااتمناه الآن ان ربنا يوفقنى فى السنة الجديدة لان التحدى فيها أقوى لأن لو ربنا تمملى الحمل ده على خير هكون ولدت أثناء الدراسة وانا نفسى اكمل الدراسة بجد الله يعين

[Share] SUPAYA AC MOBIL TETAP TAHAN LAMA

Saat sistem A/C (air conditioning) mobil dinyalakan dan terdengar suara'ces' panjang, tandanya freon berkurang atau habis.
"Bentuk freon itu berupa cairan, tapi di dalam sistem A/C berubah jadi gas lewat proses pengembangan dengan tekanan tinggi. Saat itulah sifat zat kimia tetrafluoroethane yang dikandung menjadi lebih dingin," jelas Hendrik, pemilik bengkel spesialis A/C

Tak ada efek buruk ke hardware A/C atau mobil saat freon habis. Sebaliknya, jika freon sampai habis berarti ada kesalahan pada hardware. "Di dalam sistem A/C, freon tak akan pernah habis. Sampai terjadi, berarti ada komponen yang bocor (biasanya pada selang, evaporator, kondensor atau sil-sil)," urai Hendrik.
Untuk menjaga kondisi komponen A/C tahan lama, lakukan pengurasan freon setahun sekali dan usahankan pakai freon asli.

Ada beberapa merek freon seperti Kalton, Klea, Duracool dan banyak lagi.
Selain melakukan perawatan setahun sekali (atau setiap 20.000 km), sisitem A/C juga butuh perawatan prevebtif agar bisa bekerja maksimal dan tahan lama.
Inilah langkah-langkah preventif
1. Putaran mesin. Jaga rpm tidak terlalu tinggi ( dibawah 4.000 rpm) saat berkendara. Karena komponen A/C tidak diciptakan untuk bergerak dalam putaran tinggi.
2.Matikan A/C. Bila mobil tidak berhenti karena macet (menunggu lebih dari 10 menit), sebaiknya A/C dimatikan. Hal ini berkaitan dengan sifat freon yang punya karakter harus senantiasa bergerak oleh sirkulasi udara.
3.Jangan terlalu lama. Freon akan menguap dan menjadi sifatnya semula (cair) bila lama tidak digunakan. Akibatnya, kapasitas bisa berkurang drastis karena rentan bikin sil-sil sambungan A/C getas.
4. Awas bau tajam. Bau yang menempel di kabin diisap kembali dan menempel di evaporator. Makin lama makin menumpuk dan menyebabkan udara berbau asam dieembus ke kabin. (Rudy Ghupta)

Sumber :